自煮抗疫 ♥ 7變14, 雜莓千層卷

千層蛋糕是我一直也想挑戰的自煮糕點, 但做法都幾繁複, 因為煎皮需要耐性, 一層餅皮一層cream疊上去, 做多少層就視乎你想吃多少啦~  新手製作, 不完美但可接受.

有興趣小試牛刀嗎? 不妨跟我呢個食譜.  講解一下我的材料及做法.

1室溫隻蛋
10g 白砂糖
100g 鮮奶(煮暖)
45g 低筋麵粉
50-80g 雜莓
5g 士多啤梨粉 (改買紅曲粉染色仲好, 解釋在下文)
130g 鮮忌廉 + 13g白砂糖

另外, 我買了雜莓加入餅皮及用來裝飾~

首先做麵糊. 蛋及白砂糖拌勻, 加入煮暖的鮮奶, 再加入已篩過的低筋麵粉拌勻.

諗住加入雜莓汁去染色, 點知染唔到……唯有試加入士多啤梨粉, 點知都係染唔到. 心已經灰左. 算啦, 都洗濕左個頭, 繼續落去. 把麵糊放在雪櫃雪1小時就可用.

我是用26cm易潔鑊的, 又用明火爐, 所以煎時要好小心溫度控制.  (抱歉當時沒影相, 而家用蛋漿來代替做個示範啦~) 放極少量油於鑊, 加入適量麵糊, 要立即 “浪勻” 整個鑊, 薄薄一層就可以, 大概30秒就轉另一面煎.

如是者, 整個麵糊能煎7-8塊圓餅皮, 待餅皮涼透就切出一個正方形, 再開一半變長條形, 那就是7塊變14塊啦~

用打蛋器把鮮忌廉和白砂糖打起, 不能太軟身, 但過度打發的忌廉也不能用. (圖中為已用剩的忌廉)

14塊餅皮均勻塗上忌廉, 卷出卷狀, 一塊接一塊便可, 比D心機, 接駁位可以做到天衣無縫. 卷出一大卷, 放入雪櫃雪6-8小時左右就得.

取出千層卷後, 可以開半做裝飾及微整形. 第一次整, 形狀唔完美是可接受的啦~ (圖中是平均開半後的大小, 唔想浪費食材, 但又想試, 跟這食譜份量是挺好的)

大家可以見到, 當中有幾塊餅皮厚到傻, 是的, 是我第一塊煎的, 也刻意放進去, 一來不想浪費, 二來給自己一個提醒, 下次要做得更好啊~ 其餘的餅皮也夠薄, 頗滿意.

小貼士:
1.建議用電磁爐, 鑊受熱較均勻, 不會集中於中間一點
2.用沒有紋或任何圖案的易潔鑊, 餅皮會光滑
2.一直開小火, 慢慢待整個鑊熱力均勻
3.把雜莓汁加入麵糊, 餅皮甜中微酸, 真材實料
4.直接改用長形鑊去煎餅皮, 卷出來的卷會大些           
5.卷時雙手不要太用力去壓, 否則形狀唔靚
6.用最靚個幾塊餅皮卷外層7.放雪櫃雪時, 要豎起咁放, 打橫放的話有機會變形

歡迎與我聯絡: jannis_tang174@hotmail.com

facebook fanpage: Jannis Tang Through the looking glass

IG: jannistang