對於打邊爐, 我沒多大興趣, 因為好多時把食材放入滾湯中焯得過時而浪費了, 但蒸氣火鍋我則幾喜歡, 因為有專人計時,確保不會蒸過龍. 早前去到位於尖沙咀天文台圍道的有蒸氣海鮮石鍋專門店, 除了靚料好味, 還是靚料好味.
雞骨草清肝, 差不多成壼給我喝光, 因是夠熱又不死甜.
點好菜後, 只要在面書打卡店方就送神秘優惠, 今期是象拔蚌仔和甜蝦刺身 不要以送既就質素差, 剛剛相反, 好過好多放題多多聲, 象拔蚌仔尤其好吃.
在這裏, 吃的不只是蒸海鮮, 還有前菜及小菜, 例如秘製花甲, 少少麻辣味, 肉夠實淨, 吃時一定要連汁, 好有避風糖風味.
而酒糟雞腳更是我最愛, 花雕酒香不濃, 雞腳是爽口的, 這碟是在等飯腳期間最好的食物, 慢慢啜消磨時間.
超有水準的咕嚕肉, 咬下去是少少脆口兼肉不韌, 好快被清碟哩.
一端上枱就令人嘩一聲的花雕蛋白蒸蟹, 大大隻蟹在嫩滑的蛋白上, 還有橙黃蟹膏, 今勻是視覺和嗅覺行先.
蟹肉依然嫩滑, 蛋白滲出花雕酒香, 滑入喉嚨再細味, 正~ ~
明明就是去吃蒸氣石鍋, 為何以上全都沒關係的呢? 對! 以上都是店員推介勁好味的菜式, 唔食好可惜. 果然又真係啊~ 來啦來啦, 蒸氣石鍋出場.
打頭陣是雞油蒸鮑魚, 好大隻, 雞油均勻落在鮑魚面, 蒸的時間剛剛好, 鮑邊軟滑, 肉質夠稔, 雞油的油香令鮑魚的味道變得不單一.
海鮮蒸千葉豆腐, 滑滑嘟嘟的豆腐切成薄片, 與面層的海膽一併放進口, 說不出的幸福.
蒜蓉蒸扇貝, 好大隻!! 6隻已經把石鍋覆蓋!
究竟有幾大? 差不多有茶樓墊杯的碟咁大, 好誇張!! 不過真的十分好吃, 扇貝肉雖然大粒, 但剛好蒸熟及依然軟滑. 吃完一整粒真的很滿足.
最後兩味都是我喜歡的大蜆及鑽石蜆, 好大粒啊~~~ 經常覺得蜆類很有趣, 放入鍋前合著口, 幾分鐘後就smile~ ~ 鑽石蜆蜆肉大、好滿水, 咸味都幾重.
我比較喜歡花甲, size 及味道都合我心意.
吃蒸氣石鍋最緊要是甚麼呢? 重點在那? 就是各種蒸海鮮的精華都盡在南瓜滑雞粥. 再加上剛才吃的全都是靚海鮮, 想粥底不甜就怪啦~ 另外, 雞件在石鍋內滾了至少兩少時, 但雞肉出奇地很嫩滑, yummy~
歡迎與我聯絡: jannis_tang174@hotmail.com
Add my IG : jannistang
沒有留言:
張貼留言