超豐盛團年飯- Alva House自助餐

最近迎來的第二頓團年飯是自助晚餐, 大夥兒一起, 還與好友慶生, 開心! 對上一次到Alva House是多年前的母親節, 質素已高, 今次覺得是有增無減! 單單是甜品是多款得難以取捨, 又有惹味日式燒烤、中菜、熱葷、西菜、刺身等, 好適合三心兩意、貪心又怕蝕底我們, haha~

今次自助晚餐是以中菜為主的, 明顯地看到中菜的比例比以往多, 例如有豬腳薑、超滋味的杭州骨、酸菜魚、完隻乳豬仔、原條炸魚、熱焫焫的蟹粉小籠包、佛跳牆、蟹肉炒飯.

 

佛跳牆材料十分豐富! 鮑魚、魚肚、魚翅、蓮子、瑤柱、金華火腿、冬菇, 吃過之後, 希望2024年都豐衣足食~   小籠包皮薄餡靚, 要趁熱吃. 

 

冰鎮海鮮有多膏龍蝦、海蝦、青口、鮮甜長腳蟹及翡翠螺,  生蠔雖細隻, 但味道OK. 

 

喜歡吃肉的話, 不妨吃西冷 、威靈頓牛、燒羊仔髀.

 

要吃得健康, 可自助沙律, 而我則喜歡預拌沙律, 都好吸睛! 龍蝦雜果沙律、蟹肉牛油果芒果沙律、泰式鳳爪沙律, 全部進了我的胃!

 串燒雞翼、雞腎、雞軟骨、秋葵等超好味, 仲有燒粟米等, 以為只有咁少嗎? 款式是隨時轉變的, 所以一見到有想吃的, 就要立刻拿啦~ 

大概有7款鮮甜刺身, 例如赤蝦、八爪魚、三文魚、帶子等, 也有多款壽司.  小碗壽司飯仲有海膽及三文魚籽, 必食!

 特別欣賞Alva House的甜品, 就以雪糕為例, 自家製好有誠意, 而且味道仲要十分出眾, 例如蘋果山楂雪葩、蜜柑雪葩、榴槤雪糕及陳皮老姜雪糕, 四款都不相伯仲, 明明要戒口凍甜吃, 但都要破戒了~ 

件糕蛋糕來說,  提子麻糬蛋糕最得我心,  蛋糕夠濕潤軟熟, 夾層有Q彈麻糬, 超讚! 

 另外, 餐廳都照顧榴槤迷, 不計榴槤雪糕, 都有五款相關甜品, 例如炸榴槤、榴槤慕絲蛋糕、榴槤奶凍、斑斕榴槤蛋糕、榴槤芝士蛋糕, 全部都好榴槤! 

一些別緻新穎的例如烏龍茶奶蓋、麻雀造型的奶黃馬拉糕、忌廉泡芙、栗子撻、朱古力撻等, 賣相精緻而且味道佳. 

Häagen-Dazs 雪糕都有6款口味, 這頓自助晚餐是絕對豐富! 

自助晚餐, 成人每位HK$758-HK$828, 小童每位HK$458-HK$488, 長者每位HK$570-HK$620, 識得搵著數及至抵價, 到旅行網站購買, 只需HK$697, 抵! 

Alva House

地址: 沙田源康街1號帝逸酒店1樓

歡迎與我聯絡: jannis_tang174@hotmail.com 
Facebook Fanpage: Jannis Tang Through the looking glass 
IG: JannisTang