雖然單戀雙城已播完一陣子, 但那首主題曲和片尾曲仍然不停在我腦海內播放, 因為都幾好聽, 以結他伴奏, 主題曲很輕快、很抒情~~~
看呢齣劇, 特別有共鳴, 因為劇中有一些地方曾經去過, 都會勾起那些年我到檳城旅遊的愉快事.
呢篇小小的遊記, 就跟大家一起分享我在檳城的體驗吧~ 乘AirAsia從香港飛檳城, 到達已是10PM, 男友訂了Tune Hotel – Downtown, 出發前都略略找過些交通, 在檳城機場外就有巴士到Tune Hotel附近, 車程約1小時.
到達機場, 找到巴士站, 難題來了, 原本打算乘的101, 102號巴士好似是沒有了....見到告示寫著要乘401E, 但又唔肯定, 諗住問下當地人…可是英文、普通話都用不著, 因為他們只懂馬拉話….好不容易, 有位學生哥懂普通話, 知道我們要去Tune Hotel, 但連佢都唔肯定401E係咪途經Tune Hotel, 待巴士來時, 他代我們問巴士司機, 確認後我們才上車, 真係好好彩, 遇著呢位學生哥.
臨到Tune Hotel, 司機好好, 示意叫我們落車, 我和男友一個拖喼、一個孭背包, 在寂靜的街道上一直行呀行, 見到美真香, 在地圖上美真香是一個地標, 所以我們確認沒有行錯路.
再行前多200米, 終於見到Tune Hotel啦~~~
男友check-in, 雖然累透, 我都周圍影下相啦.
一上到房….熱到爆….又唔知個古董風扇點開…搞到個人好抆 >.< 房間就是這樣, 一眼睇晒.
Anyway, 安頓好、抹下張臉後, 就到對面的青屋醫下個肚, 剛踏入凌晨, 食我們的晚餐…好肚餓呀!!!! (相片是翌日朝早影的, 中間個檔就是了)
坐低望望餐牌, 再到鋪外的面檔落order, 我們的普通話不算爛, 但店主第一句就問: 你們是從香港來的嗎? Haha, 不得不承認, 我們怎樣也說不到他們的口音.
左邊的是我點了小碗 (HK$23)及菊花茶 (HK$4), 右邊是男友的大碗 (HK$25)及羅漢果涼茶 (HK$4), 好抵食!!!
翌日早上, 我地徒步遊離Tune Hotel 食早餐, 去到一個轉角彎, 見到有間裝潢充滿70年代風味的冰室, 就進內坐下. (乾淨過香港)
我和男友點了一碗雲吞面、一碗喇沙, 還有凍奶茶, 我一向少喝凍飲, 但來到這個火爐般的地方, 我怕再喝熱飲, 我的腸胃會著火…呢款喇沙是檳城獨有的, 叫亞參喇沙, 跟我在吉隆坡吃的咖喱溂沙很不同! 
食過早餐後, 行回酒店, 見到離酒店不遠的對面馬路, 的確有個巴士站, 但我地都係睇唔明, 究竟幾號巴士先經呢邊… 男友繼續睇, 我就自拍一下. 戴著這闊邊帽加補防晒, 我才確安心, 因為實在超級猛太陽! 
一會兒後, 就跟已約定的馬來西亞朋友短遊檳城. 好開心, 他們先帶我們尋找檳城的璧畫. 這個認得吧~ 平日都好多遊客的.
壁畫當中, 我最喜歡置頂的相片及呢張~ (式適就在這兒找到陸恭梓放下的手鍊啊~)
其他在劇集中沒有出現過的璧畫, 就跟大家在這裏分享一下~
時間過得真係快, 仲有兩個鐘, 我地就要飛浮羅交怡啦~~ 臨去機場前, 馬來西亞及檳城的朋友帶我們到呢檔食出名的喇沙, 雖然早餐已食過, 但照食, 因為每檔的總會有不同.
這長長的巷坐滿人, 幸好我們一去到剛剛有客食完走人, 否則要用上一段時間了...
阿伯好勁, 雙手好耐熱, 有客叫外賣, 徒手拿著膠袋便將湯倒入!!
呢碗喇沙比今早食的味更濃. 酸。咸。在肚內翻騰
朋友買左個椰青及凍糖水給我們, 解下味~ 這個酸咸的喇沙我是吃不慣, 但對於馬拉人來說, 卻是非常美味~
說實在, 我們的行程...計劃得有點差, 因為數天後會再到檳城, 唯有睇下有咩未玩既就玩埋佢囉.
現在回想起....為甚麼我會那麼傻...跟男友搖巴士到downtown呢...搭的士不是更方便快捷嗎? 可能那就是我倆過往一起去旅行、去冒險的精神吧~
下篇將會與大家分享浮羅交怡的體驗, 包括平食roti/nann, 大大隻虎蝦, 首次租床位等等, 大家有興趣看嗎?
歡迎與我聯絡: jannis_tang174@hotmail.com
Add my IG : jannistang
沒有留言:
張貼留言