呢篇文在兩年前已開始寫, 寫到一半就停左, 就趁今天完成埋佢!俗語話 : 去北京而沒有去長城, 等於沒有去過北京套用在我今次的旅程 : 去柬埔寨而沒有去吳哥窟, 等於沒有去過柬埔寨
吳哥窟是在柬埔寨的暹粒 (Siem Reap), 11月去旅行時氣溫為30-33度, 大部份時間都有猛烈陽光, 但間唔中都灑幾滴雨. 雖然有用防晒產品, 但返到香港, 我仍然是晒黑了…..而本身髮質差既我, 在太陽下晒著變得更差……
吳哥窟之所以引人入勝, 是每個窟既石雕 /雕刻都令人印象深刻. 你會感受到甚麼是宏偉、甚麼是磅礡的氣勢! 當時工匠的巧奪天工, 簡直令後人嘖嘖稱奇!
好, 同大家分享下呢個旅程既相片先~
呢張係我整個旅程中喜歡既相之一
用一天時間遊小吳哥, 一天遊大吳哥, 最後一天遊離市中心較遠的女王宮
呢個就係吳哥城啦~ 可惜因為做緊維修, 所以圍了藍藍綠綠的帆巾….
巴戎寺(Bayon)是由這些三面佛頭堆砌成的, 名為吳哥的微笑 (Smile of Angkor)
另一必到要看的就是 ‘樹屋’. 當你親眼看到這個景象時, 你會驚訝它們的生長! 站在樹旁拍照, 我們立即變得很渺少~
在吳哥窟的很多寺中, 都有這些石麒麟同五頭蛇守衞門口, 石麒麟的pat pat很圓渾, 很誘人! 大家看到五頭蛇的背面嗎? 影呢張相時令我聯想起五頭蛇也垂涎麒麟的pat pat, 哈哈!
另外, 有不少寺都是幾層高的, 每上一層都要踏上長及斜的石梯, 有些是天然的石梯, 有些則是後天加工的. 就是呢種梯我連上也不敢不上, 更何況是落梯….
除左長斜梯外, 這個東西亦是經常看到的, 名為Linga, 傳說一對男女若想有bb, 只要一同把水倒入Linga, 跟住一齊飲下便成事.
平時睇到post card把吳哥城影得很美, 尤其於日落/日出時, 所以今次旅程都好想可以影到, 但可惜...只能影出以下照片. 圖下是吳哥城的閘口外觀, 攝於日落後.
街上很多這類車和司機, 他是我們整個旅程中第3位司機, 後生仔, 幾好人, 唔狡猾. 遊客若要遊吳哥窟, 多數會聘司機兩至三天, 每天價錢約USD15.
大家約到吳哥窟租車, 記得: 價岩、引擎好才上車. 我們首天旅程的司機很差, 車亦很糟糕….程度去到…只係比踩單車快少少!! 完全浪費我地時間. 要知道, 去旅行, 時間是最寶貴的哦~
歡迎與我聯絡: jannis_tang174@hotmail.com
Add my IG : jannistang
沒有留言:
張貼留言