天然無色素 ♥ 蕃茄芝士粟米包

望見確診數字日日上升…真心, 無咩事都唔想出街, stay home stay safe!  繼續整包! 今次以水合法整顏色好靚既蕃茄包, 餡料有芝士粟米及香草. 由於天然無添加色素, 顏色粉粉, 令我好想整櫻花造型~ 這款包造型不難, 但放餡料真的不能貪心, haha! 

材料:

蕃茄 185g
高筋麵粉 250g
糖25g
酵母 3g
鹽3g
無鹽牛油 20g
粟米、羅勒、百里香、巴馬臣芝士、mozzarella 芝士、黑胡椒適量 

將蕃茄原個連皮洗淨搾汁, 加入高筋麵粉及糖拌勻. 

輕輕拌勻, 略略弄至圓形.  放入雪櫃(並非雪格或冰箱)雪30-40分鐘.

從雪櫃取出後, 麵糰中的粉及水的融合很好, 並且已經出筋. 

輕揉幾回, 加入酵母搓大概5分鐘. 

直至不黏手, 就加鹽及無鹽牛油繼續搓, 搓至光滑就可室溫(30-33度)發酵. 

40分鐘後, 麵糰已發脹1倍.  從碗內倒出, 最喜歡見到這款拉絲! 証明發酵相當成功及足夠. 

拿出麵糰按壓排氣, 再搓圓分成6份.

6小份搓好靜待15分鐘, 讓麵糰鬆弛. 此時就準備餡料, 把粟米、羅勒、百里香、巴馬臣芝士、mozzarella 芝士、黑胡椒拌勻備用. 

搓開小球至圓形, 包入餡料及收口, 輕輕滾圓及壓下, 平均地剪5刀, 剪深些花瓣形狀突出, 但由於餡料豐富, 我只好就著剪. 

然後捏出尖形, (很努力地把餡料塞回….)

在櫻花上灑上少許高筋麵粉, 更易造型, 另外, 可在每片花瓣刻兩刀, 不要刻太深, 否則又露餡. 

造型好後就進行二次發酵, 大概30-40分鐘.  然後, 以180度焗20分鐘, 花瓣都發脹了! 

放涼些少後, 立即試食, 一搣開, 芝士拉絲!!! 超美味! 超鬆軟!

250g高筋粉大概做到6個這般大小的包, 當然也可多做幾多, 小花較可愛, 但要注意的始終是餡料的份量.

歡迎與我聯絡: jannis_tang174@hotmail.com

Facebook fanpage: Jannis Tang Through the looking glass

IG: jannistang