見到呢隻鷹, 就知道這篇是同樣分享浮羅交怡的旅程啦~
在浮羅交怡的第二天, 我們都要多睡一些, 因為昨晚都好夜才睡覺~ 食過早餐後, 我地就駕車到Oriental Village.
Oriental Village是著名景點來的, 入場費為成人RM30一張票, 主要是乘纜車飽覽浮羅交怡的景色. 基本上, 遊客們都好守秩序, 依照著地上的號碼來排隊上纜車.
纜車由底層上去中層約10分鐘, 在車廂無聊沒事, 就是我們興奮互影、自拍和欣賞大自然景色的時候啦~
好快就到中層(白色帳蓬)啦~ 而圖中兩個疑似飛碟的位置就是頂層啦, 站在那兒, 360度的景緻可滿足攝影友~
在中層望著一片翠綠的山巒和海洋, 雖然太陽直射頭頂, 心情都是很愉快.
踏上樓梯就到達頂層. Yeah!! 我們在Oriental Village 最高處啦!! 影完呢邊, 過橋影埋另一邊.
其實呢度又點止咁簡單! 這裏仲有條Sky Bridge, 可惜那天在維修, 我們未能留下腳毛….
不經不覺在中層和頂層都逗留左45分鐘, 行唔到條Sky Bridge, 唯有返到底層行River Bridge, haha
Oriental Village有好多店鋪售賣紀念品、衣服、玩具等等, 印象中, 以售賣sarong既店較多. 行行逛逛, 最終與朋友在一間店鋪有收穫, 我就買了這件孔雀薄背心, 好似約$30, 在最近的印尼日惹之旅, 我都有著住它, 內裏著件背心就得, 好涼爽~ ~
行過一個角落 (大樹下), 見到一塊大藍布蓋著一些東西, 旁邊站有一位園工, 當我見到係咩黎時, 真係嚇死我…..因為我本身見到呢D紋既都好驚…. 唔知真定假, 都係離開呢個area較好!
好肚餓呀~~ 用左30分鐘既車程去到位於Four Square 的Restoran Padang Pasir Nasi Kandar Tulin食印度菜.
有cheese naan (右圖), cheese roti (左圖後), 另一款roti忘記了是甚麼餡, 全都有跟不同種類的咖喱汁, 幾得意!
有印度炒米粉、炒面
有印度版gado-gado, 是青瓜條、熟蛋片、炒蛋條, 拌花生沙爹醬食
最後是這份高高的帽子餅和ice teh tarik(凍拉茶), 帽子餅就甜甜脆脆, 唔會食滯. 成餐lunch, 每人都是付約HK$20, 食得飽飽, 好抵!
用餐時是沒有餐具提供的, 因食客全都是用手直接拿食物來吃, 尤其是食nann和 roti 一類. 好啦, 就試下這樣吃! 店鋪的一角有洗手盆和梘液, 進食前和後去洗手都方便的. 不過食炒面….真係好難用手啊~ 所以最後都需要店員給我們叉.
去得浮羅交怡, 都一定會去呢個地標 - Dataran Lang 神鷹廣場, 內裏有攤位賣衣服、磁石等等的. 呢個地方其實影相好正, 因為類似教堂的造型又有些古老 feel, 可以拍一輯很有主題的相片.
呢隻大鷹係望住個海同碼頭的~ 我地幾個仲響呢度影左好多 ‘起跳’相, 雖然呢個動作out out 地, 但旅行開心一下又何妨~ ~ ~
唔係跟團去旅行, 三餐時間多數都會無定時, 今晚我地差唔多9:30PM先食dinner. 去了離The Cottage 只有4分鐘車程的Red Tomato Restaurant & Lounge, 聽說老闆是西人來的.
餐廳的佈置感覺上是帶點fushion 啊~
薯條 (約$18)唔會太油膩, 軟硬度適中, 只嫌份量少了點…
健康沙律 (約$66), 有菜、蕃茄、青瓜、牛油果、芒果、紅莓、煙燻吞拿魚, 配少少黑醋, 吃起上來是醒胃的, 材料全都是新鮮的, 但就貴左D
Carbonara 意粉 (約$61) 有煙肉和洋葱, cream sauce做得幾好, 但一定要襯熱食, 否則涼了就會成餅野, 影響口感和味道.
大家都好想食pizza呀, 於是點了 basil pesto & mozzarella cheese 30cm (約$55), 另加了菠蘿($4)及蝦($12),餅底夠脆料又夠, 吃得好開心~
今天體力勞動後, 大家都點了杯青檸可樂, 朋友就特別問餐廳拿了些鹽放入可樂中, 這舉動使我和男友也很疑惑, 「落鹽, 杯可樂咪又甜又咸??」她說一整天的日曬使人好熱氣, 這樣可降火. 我也試了一啖, 又的確飲不出鹽味, 但至於是否降到火, HAHA, 我就不知曉啊, 因為我食牛黃解毒片, 有sis跟我一樣, 去旅行會帶牛黃嗎?
明天出發Koh Lipe 浮潛~ ~ ~
有興趣看回我檳城及浮羅交怡之旅, 可按以下:
歡迎與我聯繫: jannis_tang174@hotmail.com
沒有留言:
張貼留言